تكملة القصة

**الخميس أكتوبر 28, 2010 12:50 pm**

امريكا كلها ما عمرها حكمها رئيس هذوليك بس اشكال اللي يحكمها 12 واحد اساميهم الباتريوت مجهولين محد يعرفهم بس هم القوة الحقيقة وان الرئيس هذا كان وده يصير منهم عشان كذا قال لسوليدوس على الكلمة لأن سوليدوس يبغى يدمرهم ويرجع الديموقراطية واخر شي يعطيه برنامج لازم يسلمه لايما امريك اللي هي مبرمجة بهالمشروع عشان يخرب ارسنال جير .. لحظة ؟؟؟ .. وش ارسنال جير هذا .. هذا يا طويل العمر مركبة تشيل فوق 20 ميتل جير راي وفيها قنبلة هيدروجينية و و وو و و المهم وشوي يقول يلا اقتلني لأنه لو قتلتني ما راح ياخذون الكلمة السرية يلا ويجي ريفولفر يقتل الرئيس وينحاش المهم يكلم روي ويقول له ترى الرئيس مات و ش اسوي لازم ادور على ايما وشوي والا يكتشف انها اختك اتوكان اللي هي ايما امريك او إي إي "E.E" ويروح يدور عليها وهو بالطريق يكتشف ان المكان مغمور بالموية المهم تسبح وتكلم طريق وشوي والا تشوف فامب قاعد متربع فوق موية .. لا يا شيخ وش رايك نجيب لك قهوة بعد .. المهم يكلمه عن ارسنال جير ومتيل جير راي وان ايما هي اللي تقدر توقفه بس )-( رأي شخصي : اكثر واحد مخلص لسوليدوس هو فامب وما عمره كذب على احد )-( المهم ويقول لك ترى هالموية الاكسجين فيها زايد لذا طلع فيها باكتيريا لو خشيت ابن امك تطلع منها .. المهم وتحاربه واخر شي تقتله ويغرق بالموية ويموت بالبكتيرا وبعدين يقول لك اتوكان ان اخته ما تحب تسبح .. لا يا شيخ ناقصين دلع .. يقول لك لالا مو دلع بس حادثة ان ابوي كان بيغرق بالمسبح وانا كنت بالغرفة وهي تناديني انقذه لأنه كانت تسبح بعد وانا ما سمعت المهم غرق وانا هربت ولا شفتها من عشر سنين المهم يقول له رايدن يحلها الحلال . المهم يمشي والا يشوفها متوزية بدولاب ويكلمها ويقول لها انا طيب ويا بنت الحلال بلاش فضايح المهم واخر شي يثبت لها انه ابن حلال وياخذها تقول ما تبي تسبح يقول لها بس اكتمسي نفسك وعدي نبضات قلبي وصكري عينك لا وصلت 100 نبضة افتحي عينك المهم وكلام كثير اخر شي تطلعها برى وتعطيك بطاقة 6 المهم وتمشي وتشوف مكان بس واحد لازم يعبره المهم يكلم سنيك يقول له جبت البنت يقول خلاص خلها تجي وقنص ععلى هالحراس والرشاشات اللي تطير واذا بغيت مساعدة دق علي وانا اطلق معك المهم وتصوب ويوم توصل ايما لأخر يشي يجي عرض .. ينزل فامب ويمسك ايما تجي انت لازم تقصنه قبل لا يقتلها المهم ويوم تقتله تجي هي تطيح وفي بطنها بقعة دم المهم ياخذونها بسرعة ويقولون له عجل علينا بالدسك قبل لا تموت البنت المهم وتروح وتشوفها على الارض عند اخوها وتحط الدسك ويحمل لين 90% ويوقف عاد يقولون افل تقفل ومشكلة وش الحل يسمعون صوت يقول يلا الى كل الحراس تعالوا لأرسنال جير قبل لا نطلقه المهم ويجي اكثر عرض مؤثر باللعبة كيف تكلم ايما اخوها هال "اتوكان" وانها اشتاقت له وناديني ايما لا تناديني اي اي واخر شي تموت ويتحطم هال ويكلمه سنيك يقول انت لازم تنقذ الرهائن المهم وتجي احلى لقطة بالعرض اتوكان ماشي وعلى يده ببغاء وجنبه سنيك ورايدن وتحس المشهد قوة من جد ومؤثر شوي يطلع يقول له الببغاء .. هال .. اي ميس يو "اشتقت لك" ويقلد ايما عاد يتحطم هال يجي سنيك يقول ترانا نعتمد عليك ويسلم عليه سلامهم الخاص ويحضنه ويقول له يلا توكل .. المهم يكلم رايدن اللي قال له تتوقع راح يتحمل يقول له سنيك ما عليك تراه قوي وشوي والا يقول يلا تعال .. وينزل النينجا .. المهم يقول انت المهم يجي النينجا يطلع سيفه ويهدد رايدن يقول رايدن سنيك وش ذا .. يقول له سنيك وقت غلط يقوم يرد يعني انت قاعد تبدل الجوانب يعني خلاص كنت معي والحين علي .. يرد سنيك خخخخ ومن قال اني كنت بصفك .. المهم يجي النينجا يضغط زر والا يطلع وجهه .. اف اف اف هذه اولجا .. وتضربه بالسيف ويتكهرب ويطيح وما يقوم الا وقدامه سوليدوس وريفولفر .. المهم يكلم سوليدوس ويقول لك انه هو ابوك وانت ولده وهو رباك ودخلك الجيش وانت عمرك 6 سنين و كانوا يسمونك جاك السفاح المهم وكلام كثير ويطل وتجي اولجا تقول انها جاسوسة للبيتريوت وانا لازم تحميك لأنهم كلفوها بهالمهمة واذا مات رايدن قتلوا ابنها "ما تذكر انها قبل سنتين كانت حامل" المهم وتطلع وتقول ترى سنيك بيقابلك ومعه ملابسك واسلحتك ؟؟ اف اف ملابسي ؟ .. واحم .... احم احم .. تكتشف انك لابس من غير هدوم ولام تعدي من الحراس واخر شي تشوف سنيك ويعطيك ملابسك واسلحتك .. وتتكلمون سوا ويعطيك سيف النينجا .. سيف اولجا عفوا .. تقدر تحارب فيه وتراه رهيب المهم تمشي انت وهو وتقاتلون نفر كثير واخر شي تجي فورتشن .. تقول لسنيك انت قتلت ابوي بالسفينة .. يا بنت الحلال مئتلتش حد .. لا دنتا كزاب .. المهم يقول لرايدن انت اطلع وانا بشوف حل مع ذي يقول له الرصاص يوخر عنها يرد عليه ما عليك انا ادبر امري المهم تطلع وسنيك يحارب فورتشن وشوي والا تلقى نفسك بقاعة زي القاعة اللي تصور فيها ناعومي في ميتل جير في ار ترينيج المهم تسمع صوت سوليدوس يكلمك شوي ويقول خلاص بنقتلك بعدين يطلق عليك 3 ميتل جير راي .. بعد ما تحاربهم وتشوف انه مافي امل تغلبهم يجي بيدعس عليك تطلع اولجا تبي تدافع عنك عشان لو مت ولدها بيموت.. ويطلع سوليدوس يقول انواع التخلف تجي ترد اولجا انا رايحة جهنم رايحة لكن على الاقل خلي ولدي يعيش ويجي يمسكها بواحد من الخطافات اللي بزيه ويدور سلاحه اللي عبارة عن مسدس لو قلبته طلع رشاش ويقتلها براسها .. وشوي والا ريفولفر يدق عليه يقول له ترى النظام خرب وارسنال خرب وش السواة وشوي وتنجن الميتل جير راي الثلاثة ويحاربون سوليدوس عاد سوليدوس ما عنده تفاهم .. خمس ثواني والا هو مخلص على الثلاثة برشاش بس اللي رايدن بقاذفة صواريخ ما قدر عليهم شوي وتجي فورتشن وهي ماسكة سنيك تقول قبضت عليه المهم يجي سوليدوس يقول لرايدن ماني قاتلك الان ممكن تكون ورقة اخيرة ويغمى عليك وتقوم وانت فوق سطح ارسنال جير ويكلمك سوليدوس عن خططه وكلام كثير يدور بين فورتشن وسوليدوس وريفولفر .. المهم شوي يطلع ان ريفولفر مخطط لكل شي من قبل ميتل جير ون اصلا وةانه يبي يصرق ارسنال وراي .. وانه هو اللي قتل ابو فورتشن ... المهم .. تجي تطلق عليه وتنحرف القذيفة يقول لها مصدقة انك ساحرة ترى حنا اللي عطيناكي الجهاز اللي يوخر الرصاصات بدون ما تدرين وعندي واحد احسن منه يوخر كل شي المهم يطلق عليها وتطيح على الارض تجي تطلق مرة ثانية ما يصلح يجي سوليدوس يطلق بالرشاش على ريفولفر طبعا كلها انحرفت المهم يطلع ويركب راي ويطلع سوليدوس السيفين حقته ويقوم ريفولفر يطلق عليه فوق 500 رصاصة كلها صدها سوليدوس بمشهد بديع بسيوفه المهم شوي يقول طااااايب ويطلق حوالي 15 صاروخ كل واحد ينقسم الى 15 صاروخ غير زي صورايخ كروز - توما هوك .. المهم تقوم فورتشن وطلع ان عندها قوى خارقة وتوخر الصواريخ عن سوليدوس وسنيك ورايدن و تقول انها بنت جندي وانها هيلينا دولف جاكسون .. اصبر الحين دولف جاكسون ماهو الجنرال اللي بالبداية .. ما علينا .. المهم يجي ريفولفر بيطلق اشعة على الشباب خلاص فورتشن ماتت من بيوخرها .. وشوي والا يده تتقلص وتتشنج ويطلع من الميتل جير راي وصوته تغير مرة ثانية .. عاد يقول لهم انا لكويد واني عشت في جسم ريفولفر من خلال هاليد وانه تو تحررت وسيطرت على ريفولفر بفضلك يا سنيك وان العالم يبي بيج بوس واحد وانا هذا البيج بوس .. المهم ويدخل لكويد راي وجاي بيهرب يقول له سنيك .. لكويد .. بطل خرابيط ويفك قيوده ويلحقه .. وشوي والا يمشي الميتل جير وتطيح انت وسوليدوس بمكان ويكلمك روي ويقول لك انه مخلوق فضائي و انه لازم تقتل سوليدوس وانك يا رايدين مجرد تجربة للباتريوت ولو مت بيموت ولد اولجا ولو ما مت بيفوزون هالمخلوقات الفضائية وانهم اختاروك عشانك بدون ضمير و و ونسيت اقول لك انه يوم كنت بدون هدوم كان يكلمك
ويخربط .. مرة يقول خلاص تراك تعبت عيونك صك الجهاز ومرة الهدف تدمير اوتر هيفن ويتذكر اول جزء ميتل جير حق الصقر ومرة يقول تدمير جومبالوما .. وانقذ ميرل ويتذكر ميتل جير في ار ترينينج و و و المهم يخربط عليك يجي رايدن يقول لأتوكان وش القصة مع اني ما عمري قابلته المهم اتوكان يكتشف ان روي قاعد يكلمك من جوا ارسنال .. نرجع لموضوعنا .. المهم تطيحون فوق محكمة شي زي كذا ويقول لك سوليدوس انه هو قتل ابوك وامك وتحارب سوليدوس هو بسيفين وانت بسيف بس وهو يطلق نار وصواريخ بعدين يصير سريع ويطلق نار بس وبسيوف واذا غلبته يطيح ويموت تنزل انت ويجي العالم يتجمعون يشوفون العالم .. المهم شوي وتقول من انا يرد عليك صوت مألوف لازم تكتشف ذلك بنفسك .. طلع خوينا سنيك اللي يكلم رايدن المهم ويطلع رايدن الدوج تاج حقته وهي شارة تعريف الجنود ويلقى مكتوب عليها اسمه اللي بدأت فيه اللعبة مثلا انا كتبت لاند شارك واني من السعودية وفصيلة الدم بي طلعت على الدوج تاج المهم يرميها رايدن ويقرر يبدأ حياة جديدة .. المهم يتكلمون كلام فاضي وخراط ويجيك لائحة مصممي اللعبة واخر شي اتوكن يكلم سنيك .. يقول له تعرف الديسك اللي فيه معلومات الباتريوت .. يرد عليه ايه ها بشر عرفت من هم .. يقول والله الصراحة هم يقولون انهم بمنهاتن بس .. يرد الثاني بس وش .. يقول احم .. ذولي ميتين .. كلهم ميتين .. يقول سنيك متى ماتو .. احم والله الصراحة .. ماتوا من مية سنة .. وتخلص اللعبة وتاخذ الديجيتال كاميرا ويعطونك كود تحطه بموقع كونامي وتسجل اسمك عشان تطلع بلائحة اللي مخلصين اللعبة .. ودمتم خيرا
واي اسفتسار حول اللعبة او القصة او اي شي بميتل جير 2 انا جاهز وبالخدمة
وتراني تعبت وانا اكتب القصة يعني على الاقل احد يعبر ويرد بس
وسلام عليكم